Miss Ingabire Grace yerekanye imikenyero muri Miss World 2021
Miss Ingabire Grace yerekanye imikenyero mu irushanwa rya Miss World riri kubera muri Puerto Rico aho byitezwe ko ikamba rizatangwa ku wa 16 Ukuboza 2021.
Icyiciro cyo kumurika imbyino gakondo mu myambaro y’umuco wa buri gihugu muri Miss World cyabaye ku Cyumweru tariki 28 Ugushyingo 2021.
Buri mukobwa yerekanye umwambaro wafatwa nk’ikirango cy’umuco w’aho akomoka mu bijyanye no kurimba.
Umukenyero ni umwe mu mideli yamamaye mu Rwanda, ukaba umwambaro w’agaciro ku basohokeye mu birori by’umwihariko nko mu bukwe.
Iki gikorwa abahataniye kuba Miss World bakoze cyo kwerekana imyambaro iranga umuco w’aho bakomoka, kiri mu bigomba kubahesha amanota mu rwego rwo guhitamo abazahatana ku munsi wa nyuma w’irushanwa.
Kugeza ubu gutora uhataniye Miss World bikorerwa kuri porogaramu ishyirwa muri telefoni ugakora ’Like’ ku mafoto ashyiraho.
Miss Ingabire Grace uhagarariye u Rwanda yahize kwitwara neza agahesha ishema Igihugu mu ruhando rw’andi mahanga. Ubwo yerekezaga muri Puerto Rico yasabye abanyarwanda kumushyigikira akaba yabasha kuba uwa mbere uzanye ikamba rya Miss World mu Rwanda.
