Irushanwa rya Miss Rwanda rirarushaho kwamamara byihuse kandi cyane
ITANGAZO RIGENEWE ITANGAZAMAKURU
Hashtag ya #MissRwanda2021 yabonywe inshuro 25,215,999 mu gihe cy’ukwezi kumwe kugeza ku munsi ukomeye watoweho Nyampinga w’u Rwanda, tariki ya 20 Werurwe 2021.
KIGALI, Ku wa 16 Gicurasi 2021 – Miss Rwanda yongeye kwerekana ko ari igikorwa kirushaho kumenyekana cyane mu Rwanda, ibirori bikomeje kwamamara cyane ku mbuga za interineti, no mu kurebwa cyane mu 2021.
Kuva ku mbuga nkoranyambaga kugeza kuri televiziyo no ku mbuga za interineti zitandukanye, irushanwa ry’uyu mwaka ryakuruye ubwiyongere budasanzwe ku bakurikira iki gikorwa, ku mibare irenze kure iyagezweho mbere.
Nk;urugero, ibipimo bya TweetReach byerekana ko impuzandengo ya buri munsi mu minsi ibanziriza Grand Finale ya Miss Rwanda 2021 yageze kuri miliyoni 1.1 by’abagerwagaho n’amakuru avuga ku irushanwa kuri konti 626,640.
Hashtag ya #MissRwanda2021 yabonywe inshuro 25,215,999 mu gihe cy’ukwezi kumwe kuganisha kuri Grand Finale yabaye ku itariki ya 20 Werurwe, harimo inshuro 11,612,083 zo mu minsi itatu ibanziriza umunsi wa nyuma w’irushanwa ndetse no kuri uwo munsi.
Umuyobozi ushinzwe itumanaho akaba n’Umuvugizi wa Miss Rwanda muri Rwanda Inspiration Back-Up itegura irushanwa, Meghan Nimwiza, yagize ati: “Twishimiye uburyo iri rushanwa, abahatana ndetse n’abatsinze bakomeje gushyigikirwa. Imwe mu mibare ishimishije cyane ni uko 93.5 ku ijana by’ibitekerezo byagaragaje ibyiyumviro byiza. Biributsa uburyo iki ari igikorwa cy’ingenzi bidasanzwe.”
Ati: “Birashimishije kandi kuba iki gikorwa cya Miss Rwanda cyararushijeho kumenyekana bidasanzwe ku mbuga nkoranyambaga nk’urubuga rwacu rwa YouTube ndetse n’urubuga rwacu ndetse n’imbuga zo kuri interineti zacu zose ndetse na televiziyo bikurura abantu benshi”.
Nimwiza yongeyeho ati: “Imibare ugaragaza iterambere mu bice byose, ndetse no hanze y’u Rwanda aho abantu basabwaga kwishyura ($3) kugira ngo barebe ibirori byo gutanga ikamba.”
Mu gihe cyiminsi 28 (Kuva ku wa 27 Gashyantare – 26 Werurwe), amashusho n’ibindi bitangazwa ku muyoboro wa YouTube wa Miss Rwanda byageze ku basaga miliyoni 12.5 ndetse amashusho yatangajwe arebwa inshuro miliyoni 1.4, ku buryo byerekanye umuvuduko w’ubwiyongere bwa 999%.
Uyu muyoboro wakurikiwe n’abantu 368,500 muri icyo gihe, ubonwa inshuro zigera kuri miliyoni 1.3 mu gihe amashusho yo ku munsi wa nyumwa w’irushanwa ubwayo yarebwe inshuro 177.000 (byerekana ubwiyongere bwa 1.089%).
Rumwe mu mbuga zihuta cyane za Miss Rwanda ni konte yemewe yayo kuri Instagram, yatangaje amafoto n’amashusho yabonywe inshuro 11,323,908 hagati y’itariki ya 20 Gashyantare na 21 Werurwe 2021, ibyo bituma haboneka ubwiyongere bwa 264.2% uvuye mu kwezi kwari kwabanje.
Ibyerekeye Miss Rwanda
Miss Rwanda ni ryo rushanwa ryamamaye cyane mu marushanwa y’ubwiza mu Rwanda, iryabaye mu mwaka wa 2021 akaba ari irya cyenda kuva ryakongera gutangira gutegurwa mu 2009.
Uyu mwaka ryabaye mu buryo budasanzwe hakoreshejwe ikoranabuhanga aho abaryitabiriye bashyizwe mu muhezo ndetse Grand Finale iba nta bayitabiriye bahari ku nshuro ya mbere mu mateka.
Mu rwego rwo gutegura irushanwa ry’uyu mwaka, abaritegura batangaje ko hari impinduka zishimishije ryagombaga kugira, harimo kongeramo buruse za kaminuza ku bakobwa 20 bazahiga abandi, hakiyongeraho icyiciro cyo kwerekana impano n’icy”Umushinga udasanzwe kurusha indi’ mu bindi bitandukanye, amarushanwa yanakozwemo impinduka zikomeye mu bijyanye n’imyaka n’uburebure byasabwaga. Iri rushanwa ryubakiye ku ndangagaciro eshatu z’ingenzi: Ubwiza, Ubuhanga n’Umuco.
Ibyerekeye Rwanda Inspiration Back-Up
Rwanda Inspiration Back-Up itegura irushanwa ry’ubwiza rya Miss Rwanda kuva mu myaka irenga 10 kugeza ubu. Mu myaka yashize, iki kigo cyakoranye cyane n’abafatanyabikorwa batandukanye, barimo Leta ndetse n’abikorera, mu rwego rwo kureba ko amarushanwa ngarukamwaka abaho mu buryo bwasezeranyijwe bwo guha ubushobozi abakobwa no kugira ingaruka nziza kuri sosiyete.
Rwanda Inspiration Back-Up iyoboye imbaraga zatumye u Rwanda rwitabira bwa mbere amarushanwa ya Miss World mu 2017 ndetse n’andi marushanwa y’ubwiza yo ku rwego mpuzamahanga nka Miss Universe na Miss Earth.
Twandikire:
Tel: 0788625208
Imeri: info@missrwanda.rw
Twitter: @MissRwandaDotRW
